Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Febreru lletrónicu pa Xixón

| Realiza tu reserva

Votos

(Total de votos recibidos 225)

(Puntuación 2,97)

In Door Gijón
El 22 y 23 de febreru de 2019 va celebrase la edición primera d'In Door Gijón: festival de música lletrónica
In Door Gijón apuesta por convertise nun eventu popular, de fuerte calter internacional y modernu, qu'asoleye y permita a los amantes de les artes averase al mundu de lo creativo, tecnolóxico y sonoro más actual.

In Door Gijón camuda'l conceutu de festival urbanu y combina les actividaes populares, como ye'l Festival nel recintu ferial, con actuaciones de baldre que dean valir a la ciudá, con artistes nacionales ya internacionales espardíos per dellos espacios de Xixón.

El Festival va cuntar con un cartelu enllenu de grandes nomes del panorama de la música lletrónica, amás de los artistes más underground y especiales de la escena a nivel mundial y nacional, ensin escaecer a los artistes del país que tán xurdiendo. Encabezáu pol xeniu de Detroit Jeff Mills, al que van acompangar más de 20 artistes, ente los que destaquen los dj´s Óscar Mulero, Mind Against, Matrixxman, Veronica Vasicka, Pional, o Adam Port y los direutos d'Âme, Booka Shade, Vitalic -que recupera'l so proyeutu nuevu DIMA-, Akkan, el dúu italianu Boston 168 o el del asturianu Another Machine.

I.D.G va celebrase en dellos espacios de Xixón. L'eventu más importante va allugase nel Recintu Ferial Luis Adaro, espaciu perfeutu pola so situación ya infraestructures. El restu d'actuaciones van allugase n'espacios como la Sala Pintures de Llaboral Ciudá de la Cultura, Teatru Albéniz, la sala Acapulco del Casino de Asturias, la terraza del Ambigú y una “sesión vermú” nel Mercáu del Sur, ún de los edificios más representativos del centru de Xixón.

Les entraes van tener un preciu promocional de 25€, que permitirán l'asistencia a toles actuaciones, anque nun se garantiza l'accesu a los recintos más pequeños, con aforu llendáu.

Los artistes confirmaos son:
Jeff Mills // Vitalic pres. DIMA (Live) // Óscar Mulero // Âme (Live) //
Booka Shade (Live) // Mind Against // Dennis Ferrer // Matrixxman //
Veronica Vasicka // Boston 168 (live) // Adam Port // Pional // beGun //
Re: Axis // Akkan (live) // Kresy // Dj Enrique // Karman // Héctor Llamazares // Richi Risco // David Mallada // Mastersoul // Damián Martín //
Another Machine (Live) // Jairo Beltrami // Russian Roulette

Tola info y les entraes puen atopase en www.indoorgijon.com

Divertia collabora na organización del certame, entamáu poles promotores Grupo 360 y La Real Producciones

I.D.G. ñaz de la iniciativa de les promotores Grupo 360 y La Real Producciones, que nesti proyeutu cunten col sofitu de la empresa conceyera Divertia Gijón S.A., d'OTEA, de la Cámara de Comercio de Gijón, Llaboral Ciudá de la Cultura y Mercáu del Sur, cola vocación d'enllenar un furacu nel panorama artísticu asturianu, y la intención de ser el principal festival ivernal de músiques lletróniques del norte d'España.
Palabras clave Turismo, 2019, Música directo